Qoyun ili

cin-ali-egitim-sistemi-428045Bilirsiniz kənd yerlərində həyat mərkəzlərə nisbətən bir az fərqlidir. İnsanlar daha mehriban olur, daha söhbətcil olurlar. Nə isə yeni ildən bir gün sora kənddə cimgədə oturmuşduq. Çay içib söhbət edirdik. İçəridəkilərdə kimisi domino oynayırdı, kimisi nərd oynayırdı kimisi də ağız-ağıza verib yoxluqdan, bahalıqdan, qiymətlərdən danışırdı. Çox vaxt söhbətin sonu gəlib ölkə siyasətinə, Amerikanın suriya siyasətinə çıxırdı. Ən sonda da hörmətli izzətli, sayılıb seçilən məmurlarımızın belə ağıllarına gəlməyən ideyalar yaranırdı.
Vallah bizim xalq savadlı xalqdır. Hətta o qədər savadlı, uzaq görən, çox bilmiş xalqdır ki bütün dünyanın problemlərini bir çaynik çayı bitirənə qədər həll edirlər. Bir çatışmazlıqları var ki, o da öz problemlərini həll etmək heç vaxt ağıllarına gəlmir.
Gərək belələrindən bir maşın yığıb aparsınlar ağ evə ya da kremlə. Bütün problemlər bir həftəyə qalmaz həll olunar.
Biri- bu il əsl bizim ilimizdir.
O biri- nə ilidir ki bu il.
Biri- sənin deyəsən dünyadan xəbərin yoxdur e, bu il qoyun ilidir.
Digəri- daha bunun nəyi bizim ilimiz oldu ki? Biz qoyunuq?
Biri- ay balam kəndçinin nəyi var nəyi yox bir qoyundur bir də 3-5 toyuqdan zaddan olur da.
Kənardan oturub buların söhbətlərinı qulaq asa-asa çayımı içirdim.
Üstündən hüç iki həftə keçməmiş təsadüfən yenə bunlarla yan-yana stolda əyləşməli oldum. Biri O birinə deyirdi ki yadındadır deyirdin bizim ilimizdir bu il? Bax həqiqətən də bizim ilimiz imiş.
Digəri- Necə yəni?
Biri- bəs bilmirsən axşam benzinin qiymətini qaldırıblar. Gözləyiblər ki biz yuxuya gedək ondan sora qaldırsınlar. Sağolmuşlar da bizi lap qoyun yerinə qoyublar ee yaxşı ki axşam oyaq idim.

Advertisements

Biz Ölmədik Siz Öldürdünüz

Tarix 630cu il. Doğma şəhərlərindən qovulan, illərlə zülm görmüş, yaxınları öldürülmüş insanlardan ibarət ordu. İstiqamət Məkkə. Allah vədini yerinə yetirmiş. Haq din olan İslam Ərəb yarımadasında günü gündən çiçəklənməkdədir. Vədə çatmış islam ordus dünyanın gördüyü ən şərəfli Kumandanın idarəsdində. Ordu Məkkəyə yaxınlaşır Kumandandan əmr var.

  -Yaşlılar öldürülməyəcək

-Qadınlar öldürülməyəcək

-Uşaqlar öldürülməyəcək

-Ağaclar kəsilməyəcək

-Silah çəkməyənlərə qarşı silah çəkilməyəcək.

İllərdir zülm gördükləri, Onun daşa basıldığı, yollarına əziyyət çəksin deyə tikan töküldüyü, namaz qılarkən başına pislik töküldüyü, uğrunda əmisini itirdiyi, qızını itirdiyi insaların üstünə gedərkən alınırdı bu qərar. Bir əmri ilə baş üstəndə baş qalmazdı. Bu günə qədər çəkdiyi əzabın qisasını almaq üçün bir əmri bəs idi. Ancaq o əff edirdi. Bağışlayırdı. Bu günə qədər qarşısında olanlar utanaraq ona gəlir, haq dininə girirdilər.

İl 1099. Qüds xaçlılar tərəfindən işğal edilmiş. Xaçlı ordusunun Kumandanı Qoldfrei kilisəyə girə bilmək üçün 70min müsəlmanın cəsədini tapdayıb keçdi. İllər sonra Səlahəddin Əyyubi Qüdsü fəth edərkən şəhərdəki işğalçılar əff edilirdi.

İl 1915 Çanaqqala. Türk müsəlman əsgər həyatını təhlükəyə atıb anzak əsgərini ölümdən xilas edərkən İngilis bombardımançıları Türk əsgərinin müalicə olunduğu açıq xəstəxananı bombardıman edirdi.

İl 2003 Amerikanın başçılığı və kapitalizmin idarəsi altında, islami dəyərlərə qənim kəsilmiş ölkələrin dəstəyi ilə İraq darmadağın edildi. 8ilin envanteri bir milyon yarım müsəlmanın qətli.

İl 2012 Fələstində İsrail zülmü hələ də davam edir. Demokratiya abidəsi kəsilmiş ölkələr, quruluşlar sadəcə qınayır. “Humanistlər” susur. Demokratlar, sağçılar, solçular, liberallar bir sözlə hamı susur. Susur çünki öldürülən müsəlmandır. Susur çünki öldürənlər özləridir.

Tək çarə, yeganə qurtuluş yolu sadəcə və sadəcə özümüz olmaqdadır. Nə qərbli kimi qərbli nə də şərqli kimi şərqli ola bilməyən bizlər özümüz olmadıqca, oryantalistliyə davam etdikcə məhv edilməyə məhkumuq. Bu günün “sultanları” haqqın önündə bir gün mütləq diz çökəcək. Nə qədər imkansız görünsə də  tarix imkansızların mümkün olduğunu bizə dəfələrlə göstərib. İçində olduğumuz acınacaqlı vəziyyətdən ürək yanqısı ilə bəzən də hərarətlə danışarkən bir şeyi də qulağımızda sırğa etməliyik. BÜTÜN FİZİKİ NƏTİCƏLƏRİN ARXASINDA MƏNƏVİ SƏBƏB VAR. Qəbul etsək də etməsək də!

15.03.2012 02:56